Binilinan ni Western Mindanao Command (WESMINCOM) Commander Maj. General Steve Crespillo ang mga tropa ng bagong tatag na Joint Task Force (JTF) Orion na maging non-partisan at makipagtulungan sa partner agencies para masiguro ang mapayapa at maayos na Barangay at Sangguniang Kabataan Elections (BSKE) sa Sulu.
Ito’y sa pagbisita ng Wesmincom Chief sa 3 brigada na bahagi ng JTF Orion, kasama si JTF Orion Commander Maj. Gen. Ignatius N. Patrimonio.
Si MGen. Crespillo ay malugod na tinanggap nina: Brig. Gen. Eugenio C. Boquio, Commander 1101st Infantry “Gagandilan” Brigade; Brig. Gen. Giovanni T. Franza, Commander, 1102nd Infantry “Ganarul” Brigade; at Brig. Gen. Christopher C. Tampus, Commander of 1103rd Infantry “Kalis” Brigade.
Binati ni MGen. Crespillo ang mga tropa sa matagumpay na pagpapanatili ng kapayapaan at seguridad sa kanilang area of responsibility.
Ang bagong JTF Orion ang pumalit sa JTF Sulu at JTF Basilan matapos i-deactivate ang mga ito. | ulat ni Leo Sarne
📷: WESMINCOM
