Narekober ng NAIA Inter-Agency Drug Interdiction Task Group, Philippine Drug Enforcement Agency (PDEA), at Bureau of Customs (BOC) ang nasa ₱400-million pesos na halaga ng hinihinalang shabu sa isang warehouse sa Pasay City.
Ayon sa BOC, dumating ang mga package mula sa bansang Guinea sa West Africa na idineklarang naglalaman ng mga pulley.
Dahil sa kahina-hinalang larawan na nakita matapos idaan ang mga package sa X-ray, nagsagawa ng physical examination ang Customs officer at positibong natagpuan ang 58.93 kilograms ng pinaniniwalaang shabu.
Arestado naman ang dalawang lalaki na pawang mga taga-Maynila, kabilang ang isa umano’y consignee ng mga package.
Mahaharap sila sa mga kasong paglabag sa Comprehensive Dangerous Drugs Act at Customs Modernization Act.
?: BOC
