Bilang bahagi ng pagsisikap ng pamahalaan na tiyakin ang sapat na suplay ng pagkain sa mahihirap na sambahayan.
Pinangunahan ni Department of Social Welfare and Development (DSWD) Secretary Rex Gatchalian, ang pamamahagi ng bigas sa mga benepisyaryo ng Pantawid Pamilyang Pilipino Program (4Ps) sa Bongao, Tawi-Tawi ngayong araw.
Bawat benepisyaryo ay tumanggap ng 25 kilos ng premium Jasmine rice.
Bahagi pa rin ito ng nakumpiskang bigas ng Bureau of Customs (BOC) sa Port of Zamboanga at kalaunan ay naibigay sa DSWD.
Kasama ni Secretary Gatchalian sa pamamahagi ng bigas sina Tawi-Tawi Governor Ysmael Sali; Vice-Governor Al Syed A. Sali at ilan pang opisyal ng DSWD. | ulat ni Rey Ferrer
