Humingi ng paumanhin ang pamunuan ng MRT-3 kasunod ng ipinatupad na provisional service mula North Avenue Station patungong Shaw Boulevard Station kaninang umaga.
Paliwanag ng MRT-3, nagkaroon ng obstruction sa footbridge sa pagitan ng Magallanes at Taft Stations na napaulat sa MRT-3 Control Center kaninang mag-aalas-7 ng umaga.
Para sa kaligtasan ng mga pasahero, kinailangan aniyang limitahan muna ang operasyon ng tren simula kaninang 7:13 ng umaga.
Agad naman itong nagpadala ng technical team para tanggalin ang nakaharang sa footbridge.
Bandang alas-8:10 ng umaga, naisaayos na ang aberya at balik normal na rin ang operasyon ng tren. | ulat ni Merry Ann Bastasa
