Nasabat ng Bingawan Municipal Police Station at Iloilo Provincial Drug Enforcement Unit ang 355 gramo ng shabu na nagkakahalaga ng P2.41 million sa ikinasang buy-bust operation sa Brgy. Poblacion, Bingawan, Iloilo.
Arestado sa operasyon si alyas Pitpit na isang high value target drug personality.
Bukod sa mahigit P2 milyong shabu, nakumpiska rin sa suspek ang buy-bust money.
Sa ngayon, nasa kustodiya ng Bingawan Municipal Police Station ang suspek at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Sa matagumpay na operasyon, pinuri ni Police Regional Office 6 Director Sidney Villaflor ang operating units ng Iloilo Police Provincial Office.
Hinikayat naman ng opisyal ang mamamayan na patuloy na suportahan ang kapulisan sa laban kontra iligal na droga para sa mas ligtas at mas magandang bukas ng kanilang mga anak. | ulat ni Paul Tarrosa| RP1 Iloilo
