Pinatawan na ng 90-day preventive suspension ang driver’s license ng truck driver na sangkot sa malagim na aksidente sa Pampanga na nag-iwan ng apat na batang namatay.
Kasabay nito, sinabi ni Land Transportation Office Chief Vigor Mendoza II na nag-isyu na rin ng Show Cause Order ang LTO-Central Luzon sa driver ng truck na residente ng Himamaylan City, Negros Occidental.
Base sa ulat, nangyari ang aksidente noong gabi ng Nobyembre 22 sa Porac-Angeles Road, Brgy. Manibaug Pasig, Porac, Pampanga.
Sakay ng kolong-kolong, isang uri ng tricycle ang apat na bata at minamaneho ng kanilang ama na si Edmond Canlapan nang mabangga ng Isuzu Forward truck. | ulat ni Rey Ferrer
