Dumalo si Vice President Sara Duterte sa 16th Belenismo sa Tarlac City bilang panauhing pandangal sa naturang aktibidad.
Ang Belenismo ay isang sining ng paglikha ng magagandang Belen.
Tinatayang 53 mga kalahok ang mga sumali sa patimpalak na ito mula sa iba’t ibang sektor at grupo gaya ng lokal na pamahalaan, simbahan, komunidad, at mga establisyimento.
Sa mensahe ng Pangalawang Pangulo, pinuri nito ang mga Tarlaceno sa walang sawang pagtataguyod ng isang mahalagang tradisyon ang paggawa ng Belen.
Nagpaabot din si VP Sara ng pagbati sa mga Tarlaceno at hiling nito ang magkaroon ng kapayapaan, pagmamahal, at kaligayahan ngayong Pasko at masaganang bagong taon. | ulat ni Diane Lear
