Abiso sa mga motorista.
Inanunsyo ng Metropolitan Manila Development Authority (MMDA) na isasara sa mga motorista ang Bonifacio Monument Circle sa Caloocan City.
Ito ay upang bigyang daan ang pagdiriwang ng ika-160 Kaarawan ni Gat Andres Bonifacio.
Batay sa abiso, isasara ang naturang kalsada simula mamayang alas-11 ng gabi hanggang bukas ng alas-8 ng umaga.
Kabilang sa mga maaapektuhang kalsada ang:
– Kahabaan ng Samson Road sa magkabilang lane mula Lapu-Lapu street hanggang Bonifacio Monument
Circle
– Kahabaan ng Mc Arthur Hi-way sa magkabilang lane mula Calle Cuatro hanggang Bonifacio Monument
Circle
– Kahabaan ng EDSA sa magkabilang lane mula General Simon hanggang Bonifacio Monument Circle
– At kahabaan ng Rizal Avenue Extension sa magkabilang lane mula 10th Avenue hanggang Bonifacio
Monument Circle
Pinapayuhan ang mga motorista na dumaan sa mga alternatibong ruta.
Magde-deploy din ang MMDA ng mga traffic enforcer sa mga apektadong ruta upang tumulong sa pagmamando ng trapiko. | ulat ni Diane Lear
