Tuloy-tuloy ang operasyon ng Police Regional Office 6 laban sa iligal na droga.
Sa Brgy. Tiza, Roxas City, Capiz, nasa P1.7-million na halaga ng iligal na droga ang nakumpiska ng Special Drug Enforcement Team ng Roxas City Police Station sa ikinasang buy-bust operation.
Arestado sa operasyon si Richard Ferrer, 38 taong gulang at residente ng nasabi barangay.
Nasa 250 gramo ng shabu na nagkakahalaga ng P1.7-million, buy-bust money at iba pang drug items ang nakumpiska kay Ferrer.
Sa monitoring ng Roxas City SDET, high value target si Ferrer.
Kasong paglabag sa Republic Act 9165 o Comprehensive Dangerous Drugs Act of 2002 ang kakaharapin ng suspek.
Pinuri naman ni PRO6 Director P/BGen. Leo Francisco ang operating units sa matagumpay na operasyon.
Ipinag-utos naman ng opisyal na paigtingin pa rin ang laban sa iligal na droga sa Western Visayas. | ulat ni Paul Tarrosa | RP1 Iloilo
