Arestado ang isang aktibong pulis matapos makumpiskahan ng iligal na droga sa ikinasang anti-illegal drug operation sa Barangay Del Pilar sa San Fernando City, Pampanga kahapon, Enero 18.
Sa ulat ng Police Regional Office 3 na nakarating sa Camp Crame, kinilala ang suspek na si Police Senior Master Sergeant Memito Luyon na naka-assign sa San Fernando Police Station.
Nakumpiska sa kaniya ng mga awtoridad ang humigit-kumulang 50 gramo ng pinaghihinalaang shabu na nagkakahalaga ng P340,000.
Kasalukuyang nasa kustodiya ng San Fernando Police Station ang suspek na pulis habang inihahanda ang kasong paglabag sa RA 9165 laban sa kaniya. | ulat ni Leo Sarne
đź“·: PRO3
