Nailipat na ang 48 Persons Deprived of Liberty (PDLs) sa Abuyog Leyte Regional Prison mula sa New Bilibid Prison (NBP) sa Muntinpula City.
Ayon kay Bureau of Corrections (BuCor) Chief Director General Gregorio Pio Catapang Jr., ang paglilipat ng mga PDL mula sa NBP patungo sa iba’t ibang penal farms sa bansa ay bahagi ng programa ng Bucor para ma-decongest ang mga preso sa NBP, para narin sa paghahanda sa pagsasara ng National Penitentiary sa taong 2028.
Nagpasalamat din si Catapang sa Philippine National Police at Philippine Coast Guard sa pagbibigay ng suporta sa paglipat ng mga PDL. | ulat ni AJ Ignacio
