Abiso sa mga motoristang magagawi sa paligid ng Polytechnic University of the Philippines Manila, ilang kalsada po ang isasara sa paligid ng unibersidad para sa isasagawang PUP College Entrance Test (PUPCET) sa January 28, araw ng Linggo.
Sa advisory na inilabas ng PUP, pansamatalang isasara ang kahabaan ng Anonas St. mula Nuestra Señora De Salvacion hanggang sa Gate 3 ng Brgy. 630. Gayundin ang Terasa St. na sa tapat ng PUP ay temporary close din sa araw ng Linggo.
Inaabisuhan ang mga pupunta sa lugar na planuhin ng maaga ang pagbiyahe at alamin ang mga alternatibong ruta para hindi maabala.
Maliban bukas, magsasagawa rin ng pagsusulit sa PUP Sta. Mesa sa February 18, March 17, at April 14 para sa inaasahang libo-libong examinees na nais makapasok sa naturang state university. | ulat ni EJ Lazaro
