Apat na miyembro ng Sta. Margarita PNP ang sugatan, at dalawa naman ang patay habang sini-serve nila ang warrant of arrest laban 3 miyembro ng Ampoan Armed Group kaninang alas 5 ng umaga sa Brgy. Mahayag, Sta. Margarita, Samar.
Ayon sa initial report, ihahain na sana nila ang warrant of arrest laban sa mga armed goons nang bigla silang paulanan nito ng mga bala.
Ang mga sugatan ay sina PCpl. Rannel P Pademato, PCpl. Mark Jason I. Sixta, Pat. Ham Kritnere H. Capales at Pat. Mark C. Redoblado.
Ang mga nasawi ay sina PSsgt Christian D. Tallo at PCpl Eliazar D. Estrelles Jr.
Patuloy pang tinutugis ng mga awtoridad ang nagsitakas na mga armed group.| ulat ni Gene Navilon| RP1 Calbayog
