Pinangunahan ni Armed Forces of the Philippines (AFP) Chief of Staff General Romeo Brawner Jr. ang pagdiriwang ng Sandatahang Lakas ng World Hijab Day 2024 sa Lapu-Lapu Grandstand sa Camp Aguinaldo kahapon.
Naging panauhing pandangal si Senador Robinhood Padilla sa selebrasyon na may temang “Embracing Diversity: Cultivating Peace and Development through Inclusivity.”
Sa kanyang mensahe, pinasalamatan ni Sen. Padilla ang AFP sa kanilang pagsuporta at pagtatanghal ng respeto at disiplina, at sa pagiging magandang halimbawa sa lahat ng Pilipino sa pagkamit ng kapayapaan at kaunlaran.
Sinabi naman ni Gen. Brawner na ikinararangal ng AFP ang kanilang pagsisikap na isulong ang pagkakaunawaan at “goodwill” sa lahat ng komunidad.
Ang World Hijab Day, na ipinagdiriwang sa unang araw ng Pebrero simula noong 2013, ay para kilalanin ang mga babaeng Muslim na nagsusuot ng Hijab, bilang simbolo ng “modesty” at “empowerment”. | ulat ni Leo Sarne
📸: SSg Ambay/PAOAFP