Umaasa ang mga mamimili sa Agora Public Market sa San Juan City na magtutuloy-tuloy na ang pagbaba sa presyo ng bigas sa mga pamilihan.
Ito’y kasunod na rin ng pagdami ng suplay ng bigas bunsod ng panahon ng anihan gayundin ang pagdating ng mga imported na bigas sa bansa.
Sa pag-iikot ng Radyo Pilipinas, may mabibili nang P50 kada kilo ng well-milled rice na mas mababa kumpara sa dating P52 kada kilo.
Ayon sa mga namimili, ngayong dumarami na ang suplay ng bigas, umaasa silang susunod na rin ang presyuhan nito sa mga pamilihan.
Magugunitang inihayag ng Samahang Industriya ng Agrikultura (SINAG) na posible pang bumaba sa P40 ang kada kilo ng well-milled rice dahil sa maraming suplay ngayon sa bansa. | ulat ni Jaymark Dagala