Patung-patong na kaso ang posibleng kaharapin ng Pamahalaang Lungsod ng Taguig ngayong araw.
Base sa abiso ng Makati LGU, magtutungo sila sa Taguig Prosecutor’s Office para ireklamo ang lungsod ng Taguig.
Ayon sa Makati City ito ay bunsod ng iba’t ibang paglabag na ginawa ng Taguig.
Matatandaan na mas tumindi ang tensyon sa pagitan ng Taguig at Makati matapos igawad ng Korte Suprema sa Taguig ang mga EMBO barangay na matagal nang pinamumunuan ng Makati.
Nitong Linggo (March 3) lamang ay nagpatuloy ang girian sa pagitan ng mga tauhan ng dalawang lungsod matapos ipasara ng Taguig ang Makati Park.
Nagsagawa na rin ng inspeksyon si DILG Sec. Benhur Abalos sa lugar at inaasahang mamamagitan sa dalawang lungsod. | ulat ni Lorenz Tanjoco