Muling magsasagawa ang Malabon local government ng Mega Job Fair para mag-alok ng mas maraming oportunidad sa mga naghahanap ng trabaho.
Hinikayat ng Malabon LGU ang mga jobseeker na maghanda na ng madaming resume at dumalo sa nalalapit na mega job fair sa Biyernes, March 8 para sa pagkakataong ma-hire on the spot.
Gagawin ito sa Ampitheater sa Brgy. San Agustin, Malabon City mula alas-9 ng umaga hanggang alas-4 ng hapon.
Inorganisa ng Public Employment Service Office (PESO) ang naturang job fair kung saan nasa 70 kumpanya ang makikilahok.
Pinapayuhan din ang mga job seeker na magparehistro sa link para sa listahan ng job vacancies at positions na maaaring applyan: https://bit.ly/MegaJobFairJobVacancies | ulat ni Merry Ann Bastasa
