Idineklang fire out kaninang mag-aalas-diyes ng umaga ng Bureau of Fire Protection ang sunog na sumiklab sa may Atis St. Brgy. South Signal sa lungsod ng Taguig.
Dahil sa mabilis na pagresponde ng mga bumbero, hindi na ito kumalat sa iba pang kabahayan maliban sa isang bakery, sari-sari store at dalawang karinderya na nadamay sa naturang sunog.
Sinuspinde na rin ang klase ng Jose Cardones Integrated School na halos katabi lamang ng nasusunog na bahay dahil sa usok na nalalanghap ng mga estudyante.
Sa ngayon nagpapatuloy pa rin ang imbestigasyon ng Bureau of Fire Protection para alamin ang naging sanhi ng sunog at halaga ng nasirang ari-arian na tinupok ng apoy na umabot sa unang alarma. | ulat ni Lorenz Tanjoco