Posibleng manatili ang mataas na temperatura gayundin ang heat index o alinsangan sa katawan sa bahagi ng Roxas City, Capiz.
Batay sa heat index forecast ng PAGASA, posibleng pumalo hanggang sa 42°C ang heat index sa naturang lugar ngayong Miyerkules.
Pasok ito sa danger category kung saan maaaring mauwi sa heat cramps at heat exhaustion ang matagal na exposure sa araw ng isang indibidwal.
Ito rin ang pinakamataas na heat index na naitala sa buong bansa kahapon.
Ayon pa sa PAGASA, posibleng magpatuloy pa ang mataas na heat index sa lugar hanggang bukas, March 14.
Samantala, bukod sa Roxas City, Capiz, inaasahan din ang hanggang 41°C na alinsangan sa Virac, Catanduanes, Pili, Camarines Sur, at Cotabato City, Maguindanao. | ulat ni Merry Ann Bastasa
