Na-nutralisa mga tropa ng 1003rd Infantry (Raptor) Brigade at Quezon Municipal Police Station (MPS) ang isang mataas na lider ng NPA at apat sa nalalabing miyembro ng Southern Mindanao Regional Committee (SMRC), sa enkwentro sa Purok 8, Barangay Butong, Quezon, Bukidnon kahapon.
Dito’y nasawi sa pakikipaglaban sa mga tropa ang isang alias Rica/Tomboy, na mataas na lider ng napahinang Guerilla Front 57.
Nahuli naman ng mga tropa ang mga NPA member na kinilalang sina alyas Sopia/Mada, alias Kyle, at alias Joshua/Jason; habang sumuko matapos na unang tumakas ang isang alyas Del, dala ang kanyang M-16 rifle.
Narekober ng mga tropa sa encounter site ang isang M16 rifle na may M203 Grenade Launcher, isang AK47 Rifle, isang M1 Carbine Rifle, isang Caliber 45 pistol, at mga pampasabog. | ulat ni Leo Sarne
📷 Courtesy of 10ID
