Binigyang pagpupugay at pinasalamatan ng Social Security System (SSS) ang Makati Development Corporation (MDC) sa ginawang inisyatibo nito sa mga asawa ng kanilang mga manggagawa.
Ito’y dahil sa pagbibigay ng karagdagan kontribusyon sa mga asawa ng kanilang mga empleyado kabilang na ang mga foreman ng kanilang mga construction site.
Ayon kay SSS President and Chief Executive Officer Rolando Ledesma Macasaet, ito’y isang magandang inisiyatibo para sa mga manggagagawa ng kanilang kumpanya na mabigyan ng magandang benepisyo habang nagtatrabaho sa kanilang kumpanya maging ang kanilang mga asawa.
Dagdag pa ni Macasaet na huhulugan ng MDC ang mga kontribusyon ng mga dependent o mga asawa ng kanilang empleyado sa loob ng anim na buwan. | ulat ni AJ Ignacio