Naglabas ang pamunuan ng Light Rail Manila Corporation (LRMC) ng road closure sa bahagi ng Roxas Boulevard at ilang kalsada sa Baclaran Church, para bigyang daan ang LRT line 1 Cavite Extension Project.
Mag-uumpisa ang naturang road closure sa Sabado April 29 hangang kinabukasan April 30, mula 10PM hangang 5AM sa southbound lane ng Roxas Boulevard na patungong Maynila.
Habang sa May 2 at 3 naman ay isasara ang northbound lane ng Roxas Boulevard sa kaparehong oras.
Sa May 5 at 6 naman isasara ang service road malapit sa Baclaran Church sa kaparehong oras.
Samantala, muli namang paalala ng LRMC sa publiko na mag-isip na ng alternatibong ruta upang makaiwas sa mabigat na daloy ng trapiko. | ulat ni AJ Ignacio
