Aabot sa 50 local at 10 overseas companies ang lalahok sa Kalayaan Job Fair na ilulunsad ng Pamahalaang Lungsod ng Pasig sa Miyekules.
Ayon sa LGU, pakikiisa nila ito sa pagdiriwang ng ika-126 taon ng Araw ng Kalayaan ng Pilipinas, sa Hunyo 12, 2024.
Gaganapin ang job fair sa SM City East Ortigas, simula alas-9:00 ng umaga hanggang alas-3:00 ng hapon.
Bukod sa job vacancies, magkakaroon din ng One -Stop Shop para sa first-time jobseekers na nais makapag-avail ng libreng serbisyo gaya ng police at NBI clearance o makapagparehistro sa BIR, Pag-IBIG, PhilHealth, at SSS.
Ngayon pa lang, nananawagan na ang LGU sa mga job seeker na samantalahin ang pagkakataong ito para makahanap ng trabaho. | ulat ni Rey Ferrer
