Umaasa si Malabon Mayor Jeannie Sandoval na agad makukumpuni ng MMDA ang nasirang navigational floodgate na nakakaapekto sa mga residente ng lungsod tuwing maulan ang panahon.
Sa pagbisita ni MMDA Acting Chair Romando Artes sa lungsod, personal na ipinaabot ni Mayor Jeannie ang concern nito sa naturang floodgate.
Ayon sa alkalde, bagamat nasa Navotas ang lokasyon ng floodgate, direkta namang nagdudulot ito ng baha sa Malabon kapag ‘di pa naayos.
Aminado naman si Chairperson Artes na nasisira ang floodgate dahil sa lagi itong nasasagi ng mga dumadaang barkong pangisda.
Tiniyak naman itong agad tutugunan ang problemang ito sa floodgate.
May plano na rin aniya ang DPWH na ir-ehab o kaya ay tuluyan nang palitan ang floodgate na halos tatlong dekada na rin ang tanda. | ulat ni Merry Ann Bastasa