Arestado na ng Southern Police District ang 71 high value individuals matapos ang pinatinding manhunt operations nito.
Ayon sa SPD, ginawa ang kanilang 20th warrant day nitong June 21 kung saan naaresto nga ang mga most wanted persons sa katimugang bahagi ng kalakhang Maynila.
Sa datos na ibinahagi ng SPD, sa nasabing bilang, 11 sa mga arestado ay pawang mga top most wanted persons, 29 ang most wanted persons, habang 31 naman ang iba pang mga wanted na personalidad.
Dagdag pa ng SPD, matagal nang nagtatago ang mga nabanggit na kriminal kung saan dahil sa pagkakaaresto ng mga ito ay naipakita ng kanilang opisina ang commitment at pagiging episyente ng kapulisan sa pag huli ng mga naturang kriminal.
Sa kabila ng nasabing tagumpay, tiniyak ng SPD na mananatili sila sa pagtupad ng kanilang misyon na upatupad ang batas at protektahan ang taumbayan. | ulat ni Lorenz Tanjoco
