Tiniyak ng Philippine National Police (PNP) ang pagsasampa ng kaso sa mga opisyal nilang isinasangkot sa ilegal na droga
Ayon kay PNP Chief Police General Benjamin Acorda Jr., papanagutin nila ang lahat ng mga opisyal ng PNP na mapapatunayang may koneksyon sa ilegal na droga partikular na sa pagkakasabat ng 990 kilos na shabu sa Maynila noong nakaraang taon.
Paliwanag ng opisyal, pagkukumparahin nila ang imbestigasyon ng Special Investigation Task Group 990 at ang fact-finding na ginagawa ng National Police Commission (NAPOLCOM) para matukoy ang mga opisyal na dapat kasuhan.
Samantala, hindi naman na naglabas ng detalye si Acorda sa dalawang General at dalawang Colonel na nirekomenda ng 5-man advisory group na sampahan ng kasong administratibo at alisin sa serbisyo.
Magkakaroon kasi umano ng joint press conference ang NAPOLCOM at Department of the Interior and Local Government tungkol dito. | ulat ni Jaymark Dagala
