Arestado ang 79 na indibidwal kabilang ang tatlong Top Most Wanted Persons, 34 Most Wanted Persons, at 42 Other Wanted Persons sa isinagawang 29th warrant day operations ng Southern police district o SPD.
Ayon sa SPD, sa ilalim ng liderato ni Police Brigadier General Leon Victor Z. Rosete, ang kanilang District Director ang Warrant Day operations ay ginawa ng may koordinasyon sa lahat ng units sa buong distrito na nagresulta sa naturang accomplishments.
Giit ng SPD, nananatili silang matatag sa kanilang misyon na ipatupad ang rule of law at tiyakin ang kaligtasan at seguridad ng komunidad.
Ang tagumpay anila ng 29th Warrant Day operation ay isang patunay sa dedikasyon at tulong-tulong ang lahat ng kanilang units. | ulat ni Lorenz Tanjoco
