Hinimok ng Pamahalaang Lungsod ng Muntinlupa ang mga residente nito na makiisa sa gaganaping Mega Jobs Fair sa SM Center Muntinlupa, Brgy. Tunasan sa darating na Biyernes, August 30 2024.
Ang naturang aktibidad na may titulong “Trabaho Para sa Muntinlupeño’ ay magsisimula 8:00 ng umaga hanggang 4:00 ng hapon.
Paliwanag ng LGU, ang inaabangang Mega Jobs Fair ay para sa mga Muntinlupeño at programa ng pamahalaang lungsod sa pamamagitan ng Public Employment Service Office (PESO), alinsunod na rin sa 7K Agenda ni Mayor Ruffy Biazon sa ilalim ng “Kabuhayan.”
Para sa mga katanungan, tumawag sa 8840-2445 o mag-email sa [email protected].
Para naman sa paraan ng pag-a-apply, maaaring bumisita sa Facebook page na ‘City Government of Muntinlupa’ para makapagparehistro.
Paalala ng LGU, magdala ng mahigit sa 10 resume at magpakita ng kahit anong valid ID at screenshot na nakapag-register sa link na makikita sa kanilang FB page. | ulat ni Lorenz Tanjoco
