Kasalukuyang tumutulong sa Humanitarian and Disaster Relief Operations (HADR) ang 5,234 na pulis sa iba’t ibang lugar na apektado ng bagyong Enteng at Habagat.
Ayon kay PNP Public Information Office Chief Police Colonel Jean Fajardo karamihan sa bilang na ito ang naka-deploy sa mga evacuation center sa Region 4A, Bicol at National Capital Region (NCR).
Sinabi ni Fajardo, na inatasan narin ni PNP Chief Police General Rommel Francisco Marbil ang lahat ng Regional Directors, na paganahin ang kanilang Regional Disaster Incidence Management Task Group upang mayroon silang susundang protocols sa pagsasagawa ng HADR operations.
Sa ngayon, tuloy-tuloy ang monitoring ng PNP sa mga lugar na apektado ng malakas na ulan at pagbaha bunsod ng bagyong Enteng at habagat. | ulat ni Leo Sarne
