Siniguro ni Markina 1st District Representative Maan Teodoro na nakatutok ang pamahalaang lungsod sa sitwasyon sa lungsod sa gitna ng pananalasa ng bagyong Enteng.
Ayon kay Teodoro, naka-deploy na ang mga rescue team para sa mga nangangailangan ng evacuation.
Giit pa niya, na lahat ng kawani ng Marikina Local Government ay nasa heightened alert.
Prayoridad aniya nila na matiyak ang kaligtasan ng mga Mariqueño sa gitna ng pag-ulan at pagbaha.
Pinalalahanan naman ng mambabatas ang mga residente, na maging mapagbantay at manatiling nakatutok sa mga anunsyo na mula lamang sa official sources. | ulat ni Kathleen Forbes
