100 araw bago ang Pasko…
Inilatag na ng Metropolitan Manila Development Authority (MMDA) ang kanilang plano para matugunan ang inaasahang mabigat na trapiko.
Ayon kay MMDA Acting Chairperson Atty. Don Artes, kahit sya ay napapansin na ang dumadaming sasakyan lalo na sa mga pangunahing kalsada.
Kaugnay nito, nasa proseso na sila ng pakikipag usap sa mga pamunuan ng mall para sa pagpapatupad ng adjusted mall hours.
Maliban dito, pakikiusapan din nila ang ang Department of Public Works and Highways na ipagpaliban muna ang mga mahabang road repair na aabutin hanggang Pasko.
Mas mainam kasi kung sa January na lang ng susunod na taon gawin ang mga major road repair. | ulat ni Diane Lear
