Mula kahapon ay nagpaikot ng water trucks si Albay 3rd District Representative Fernando Cabredo para makapagpaabot ng malinis na suplay ng tubig sa mga binahang lugar sa Oas at Libon.
Kabilang sa mga naikutan ang Brgy. Ilaur Norte at Sur at Brgy. Mayao sa Oas Albay, at Brgy. Zone 5 & San Roque at Centro Poblacion sa Libon.
Kasabay nito, nagpatupad din ng cash for work si Cabredo para naman sa Polangui.
Ang mga indibidwal na na-tap para tumulong sa clean up drive sa Centro Occidental, Polangui ay nabigyan ng tulong pinansyal. | ulat ni Kathleen Forbes
