All set na ang National Capital Region Police Office (NCRPO) sa paglalatag ng seguridad ngayong panahon ng Undas sa Metro Manila.
Ayon kay NCRPO Acting Regional Director Police Major General Sidney Hernia, nasa 12,540 na NCRPO police personnel ang magbabantay sa 76 na public at private cemeteries kasama ang 58 columbarium sa kalakhang Maynila.
Dagdag p ni Hernia, na may mga quick response team din ang naka-deploy sakaling may mangyaring di inaasahan sa bawat syudad sa Metro Manila.
Sa huli, muling siniguro ni Hernia sa publiko na mula transport terminals, paliparan at pantalan ay nakaantabay ang kanilang hanay upang masigiro ang kaligtasan ng ating mga kababayan dadalawin ang kanilang kaanak na yumao. | ulat ni AJ Ignacio
