Nagkaroon ng minor reshuffle sa ilang matataas na opisyal ng Philippine National Police (PNP) kasunod ng pagreretiro sa serbisyo kahapon ni Police Major General Jesus Cambay.
Itinalagang kapalit ni Cambay bilang Director for Comptrollership si Police Brigadier General Jose Melencio Nartatez Jr.
Base ito sa General Order na Pirmado ni Police Major General Robert Rodriguez, ang Director for Personnel and Records Management na naging epektibo kahapon.
Pumalit naman kay Nartatez bilang Regional Director ng Police Regional Office (PRO) 4A si Police Brigadier General Carlito Malapit Gaces.
Habang itinalaga naman bilang Acting Deputy Regional Director for Administration ng PRO-1 si Police Colonel Antonio Pacis Marallag Jr. | ulat ni Leo Sarne
