Arestado ang isang high-value drug suspect sa isinagawang buy-bust operation ng mga operatiba ng District Drug Enforcement Unit ng Eastern Police District sa M. Conception Avenue, San Joaquin, Pasig City.
Kinilala ang suspek na si Adrian Dela Cruz alias “Moy,” 25 taong gulang na residente ng Sta. Ana Kaliwa, Pateros.
Matapos ang serye ng surveillance, nagkasa ng buy-bust operation ang mga operatiba laban sa suspek na nag-resulta sa pagkakaaresto ng suSpek alas-6:30 kagabi.
Nakumpiska sa suspek ang tatlong sachet ng hinihinalang shabu na may timbang na 70 gramo at may street value na ₱476,000.
Kasalukuyang naka-detain ang suspek sa Pasig City Police Station Custodial Facility.
Mahaharap ito sa kasong paglabag sa Republic Act 9165 o Comprehensive Dangerous Drugs Act. | ulat ni Diane Lear
📷: Eastern Police District
