Aabot sa 483 benepisyaryo ang nabahaginan ng tulong pinansyal sa isinagawang payout sa ilalim ng Assistance to Individuals in Crisis Situation (AICS) ngayong araw.
Personal na sinilip ni Parañaque City Mayor Eric Olivarez ang pamamahagi ng AICS, sa pangunguna ng Department of Social Welfare and Development (DSWD) sa Parañaque Sports Complex.
Maliban sa tulong pinansyal, nagkaloob din ang pamahalaang lungsod ng medical assistance para sa mga residenteng nasa banig ng karamdaman upang makatulong sa kanilang pagpapagamot.
Ang medical assistance ay nasa ilalim naman ng City Social Amelioration Program, sa pangunguna ng City Social Welfare and Development Department na naglalaan ng karagdagang tulong sa mga residenteng nangangailangan.
Dumalo rin sa AICS payout sina Rep. Edwin Olivarez kasama ang buong staff ng Congressional Office ng unang distrito at mga kawani ng DSWD. | ulat ni Jaymark Dagala
📸: PARAÑAQUE PIO
