Inaabangan na ang pagdating ni Department of Social Welfare Development (DSWD) Secretary Rex Gatchalian sa Albay ngayong umaga.
Katunayan, ang receiving team sa kalihim ay nasa Bicol International Airport na sa ngayon.
Makakasama ng kalihim sa pagdating si AKO Bicol Representative Elizaldy Co, Chairman Appropriations Committee.
Mula sa paliparan dadalawin ng kalihim ang mga evacuees sa mga Evacuation Center sa probinsiya.
Pupuntahan rin ni Gatchalian ang bodega ng kapitolyo probinsiya sa Provincial Engineering Office Camalig.
Dito naka-imbak ang family food packs na donasyon ng DSWD. Matapos ito, dadalo ang kalihim sa pulong ng PDRRMC Albay na pinamumunuan ni Governor Edcel Greco Lagman, sa Governor’s Guest House Legazpi City. | ulat ni Nancy Mediavillo | RP1 Albay
