Isang malakas na pagsabog ang naganap sa Mr. Won’s Samgyeopsal Korean restaurant sa Xentro Mall Brgy. Lumangbayan, Calapan City, Oriental Mindoro ngayong 10:20 ng umaga.
Sa ulat ng Police Regional Office (PRO) MiIMAROPA na nakarating sa Camp Crame, nagresulta ang pagsabog sa hindi pa madeterminang bilang ng mga nasaktan, at pagkapinsala ng ari-arian.
Nasa lugar na ang responders para tulungan ang mga biktima na kinabibilangan ng mga empleyado ng naturang kainan.
Patuloy ang pag-iimbestiga ng lokal na pulisya sa insidente na base sa inisyal na ulat ay dahil umano sa isang “gas leak”. | ulat ni Leo Sarne
