Nakumpiska ng San Carlos City Police Station ang mahigit 2 kilo ng shabu sa ikinasang buy-bust operation sa Hacienda Sta. Ana, Brgy. Palampas, San Carlos City, Negros Occidental.
Arestado sa operasyon sina John Valentin Remegio, 34 na taong gulang at residente ng Brgy Caingin, La Paz, Iloilo Cityat Crismark Blancaflor, 27 taong gulang at residente ng Brgy Poblacion, Bingawan, Iloilo.
Sa monitoring ng kapulisan, high value target ang dalawang nahuli na pawang mga taga Iloilo.
Kasong paglabag sa Republic Act 9165 dahil sa iligal na droga ang kakaharapin ng mga suspek.
Sa ngayon, nasa kustodiya ng San Carlos City Police Station ang mga suspek. | ulat ni Paul Tarrosa| RP1 Iloilo
