Pinangunahan ni Armed Forces of the Philippines (AFP) Chief of Staff General Romeo Brawner Jr. ang presentasyon ng “entry” ng AFP sa “Belenismo sa Tarlac” kahapon.
Ang “Belenismo sa Tarlac” ay isang kumpetisyon at adbokasiya na isinasagawa taun-taon sa Tarlac na tinaguriang “Belen Capital” ng bansa.
Tampok dito ang mga belen o display ng “nativity scene” mula sa iba’t ibang komunidad sa Tarlac.
Kasama ni Gen. Brawner na dumalo sa aktibidad si Defense Secretary Gilbert Teodoro na panauhing pandangal at pangunahing tagapagsalita sa opening ceremony. | ulat ni Leo Sarne
📷: TSg Obinque/PAOAFP
