Tuloy-tuloy pa rin ang paghahatid ng tulong ng Department of Social Welfare and Development (DSWD) sa mga residenteng naapektuhan ng tumamang Magnitude 7.4 na lindol sa Hinatuan, Surigao del Sur noong December 2.
Ayon sa DSWD, umakyat pa sa higit ₱57-million ang naipaabot nitong tulong sa higit 300 apektadong barangays sa CARAGA at Davao Region.
Kabilang rito ang family food packs at cash asssitance sa mga napinsala ang tahanan.
As of December 10 ay mayroon pang higit 700 pamilya o katumbas ng halos 3,000 indibidwal ang nananatili pa rin sa evacuation centers dahil sa lindol.
Habang aabot na rin sa 370 ang bilang ng kabahayan na labis na napinsala habang 5,260 naman ang partially damaged. | ulat ni Merry Ann Bastasa
