Nag-deploy ang Philippine Air Force (PAF) ng Super Huey Helicopter mula sa 505th Search and Rescue Group para tumulong sa pag-apula ng dalawang panibagong forest fire na sumiklab sa kabundukan ng Benguet kahapon.
Ayon kay PAF Spokesperson Colonel Maria Consuelo Castillo, nagsagawa ito ng serye ng heli-bucket operations para sabuyan ng tubig ang mga sunog sa Mt. Camisong sa Itogon, Benguet, at sa Barangay Adonot, Bokod, Benguet.
![](https://radyopilipinas.ph/wp-content/uploads/2024/02/IMG-a8dbcb0657783829e21dad6488c28a9f-V-1024x682.jpg)
Inigib ang tubig mula sa Sto. Tomas Water Reservoir at Banao River.
Nagsasagawa din aniya ng mahigpit na koordinasyon ang Tactical Operations Group 1 ng Tactical Operations Wing Northern Luzon ng PAF, sa Civil Defense Cordillera, Bureau of Fire Protection (BFP), at iba pang lokal na ahensya ng gobyerno para talakayin ang fire-suppression strategy.
Sa ngayon ay wala pang iniulat na casualties sa insidente, habang inaalam ng Bureau of Fire Protection (BFP) ang pinagmulan ng sunog. | ulat ni Leo Sarne
📸: PAF
![](https://radyopilipinas.ph/wp-content/uploads/2024/02/IMG-47987e12d2347bda89ce9b8910bdcfb0-V-1024x682.jpg)