Hindi na nakuhang tumahimik pa ni Senator Mark Villar matapos opisyal na buksan ang C5 Quirino Flyover sa Lungsod ng Las Piñas.
Ang naturang tulay ay proyekto noong panahon na kalihim pa si Villar ng Department of Public Works Highways (DPWH).
Ayon sa mambatatas, umaasa siya na maiibsan ng nasabing tulay ang traffic sa lungsod.
Siniguro din nito, na hindi ang nasabing flyover ang huling proyekto sa Las Piñas dahil marami pa aniya ang nakalinyang kalsada, tulay at establisyimentong gagawin sa nasabing siyudad.
Kasabay nito ay pinasalamatan din ni Villar ang DPWH na dati niyang mga kasamahan, sa patuloy na suporta kahit pa wala na siya sa nasabing ahensya. | ulat ni Lorenz Tanjoco
