Na-diskubre ng mga awtoridad ang isa umanong shabu Laboratory sa loob ng warehouse sa Sitio Sagel, Brgy Pinol, Maitum, Sarangani Province.
Sa ulat ng Sarangani PNP na nakarating sa Camp Crame, alas 8:30 ng umaga kahapon ng i-raid ang warehouse sa bisa ng Search Warrant .
Natagpuan ng mga pulis sa loob ng warehouse ang mga kagamitan para sa umano’y maramihang pag-gawa ng shabu.
Napag-alaman na ang bodega ay matatagpuan sa loob ng isang kampo na inaangkin ng MNLF.
Sa ngayon , patuloy ang malalalimang imbestigasyon ng mga awtoridad para mahuli ang lahat ng sangkot sa iligal na aktibidad kabilang ang isang Chinese national na umano’y nakitang nagpapabalik-balik sa warehouse. | ulat ni Leo Sarne
📷 PCADG Region 12
