Naka-alerto ang hanay ng Philippine Air Force (PAF) para umagapay sa mga apektado ng pag-ulang dala ng hanging habagat na pinaigting ng bagyong Enteng.
Kaugnay nito, nakatutok din ang Air Force sa sitwasyon at nakikipag-ugnayan na sa iba’t ibang ahensya ng pamahalaan para sa posibleng rescue at relief operations.
Mahigpit ding binabantayan ng Air Force ang mga lugar na pinaka-apektado ng bagyo para maghatid ng mga kinakailangang suplay gaya ng pagkain, inuming tubig at medical supplies.
Handa rin silang umalalay sa pagsasagawa ng evacuation lalo na sa mga mabababang lugar na madalas bahain sa sandaling kailanganin. | ulat ni Jaymark Dagala
