Umabot na sa walumput isa (81) ang bilang ng mga namatay sa hagupit ng Bagyong Kristine sa iba’t ibang lugar ng bansa.
Sa Saturday News Forum, sinabi ni OCD Administrator at Undersecretary Ariel Nepomuceno, na may isa pang kinumpirmang nasawi at ang ilan ay bineberepika kung ito ay may kaugnayan sa bagyo.
Batay sa ulat ng National Disaster Risk Reduction and Management Council (NDRRMC), may 66 katao ang naiulat na nasugatan habang 34 ang nawawala pa.
Nasa 986,974 na ang bilang ng mga pamilya ang naapektuhan ng bagyo o katumbas ng 4.2 million na indibidwal.| ulat ni Rey Ferrer
