Pormal na inanunsyo ng 2nd Infantry “Jungle Fighter” Division na “insurgency free” na ang bayan ng Tanay, Rizal.
Ito’y matapos lagdaan ng Tanay Municipal Task Force to End Local Communist Armed Conflict kasama ang opisyal ng Armed Forces of the Philippines (AFP) at Philippine National Polic (PNP), ang Memorandum of Understanding at Declaration of Stable Internal Peace and Security (SIPS) sa munisipyo ng Tanay.
Ang signing ceremony ay pinangunahan nina: Tanay Municipal Mayor Hon. Rafael A Tanjuatco; Vice Mayor Hon. Rex Manuel C Tanjuatco; 2nd Infantry “Jungle Fighter” Division Commander Maj. Gen. Roberto S Capulong; 202nd Infantry “Unifier” Brigade Commander Brig. Gen. Cerilo C Balaoro Jr.; Area Police Command- Southern Luzon Commander PLt. Gen. Rhoderick K Armamento at Rizal Police Provincial Office Provincial Director PCol. Dominic L Baccay.
Sinabi ni MGen. Capulong na ang deklarasyon ng Tanay bilang “insurgency free” ay isang malaking hakbang tungo sa mapayapa at maunlad na kinabukasan, hindi lang ng munisipyo ng Tanay, kundi ng buong lalawigan ng Rizal.
Bahagi din ng aktibidad ang paglagda ng Pledge of Commitment sa kapayapaan at progreso ng komunidad, at re-declaration sa CPP-NPA-NDF bilang Persona Non-Grata sa Tanay. | ulat ni Leo Sarne
📸 2ID
