Dumating sa Camp Crame ang mga labi ng grade 5 student na nasawi umano sa sampal ng guro sa Antipolo City.
Ito’y matapos makuha ng pamilya ng biktimang si Francis Jay Gumikib ang death certificate ng kanilang anak mula sa Amang Rodriguez Memorial Medical Center.
Ang mga labi ng biktima ay dadalhin sa PNP Forensics Lab para isailalim sa autopsiya.
Ito’y para madetermina ang iba pang posibleng sanhi ng pagkamatay ng bata na pwedeng magamit sa pagsasampa ng kaso laban sa guro na sinasabing nanakit.
Inaasahang tatayong testigo ang dalawang kaklase ng biktima.
Sa ngayon, naghain na ng leave of absence ang guro habang iniimbestigahan ng awtoridad ang insidente.
