Pinapurihan ni PNP Chief Police General Rommel Francisco Marbil ang mga pulis sa kanilang natatanging pagganap ng tungkulin.
Ito’y matapos ang sunud-sunod na high-profile accomplishments kabilang ang pagkakaaresto kay dating Bamban Tarlac Mayor Alice Guo na sangkot sa POGO operations.
Gayundin ang matagumpay na pagpapatupad ng arrest warrant kay Pastor Apollo Quiboloy at sa 4 na mga kapwa akusado nito sa mga kaso ng pang aabuso at human trafficking
Sa flagraising ceremony sa Kampo Crame ngayong umaga, sinabi ng PNP Chief, na hindi matatawaran ang ipinakitang tatag at sakripisyo ng kanilang mga tauhan.
Binigyang diin pa ng PNP Chief na sa kabila ng mga batikos at hamon na kanilang kinaharap, nanatiling matatag ang mga Pulis para tuparin ang kanilang tungkulin. | ulat ni Leo Sarne
