Umakyat na sa pito ang bilang ng mga nasawi dulot ng pananalasa ng bagyong Kristine sa Bicol Region.
Ito ang ipinabatid ni Police Regional Office-5 Director, PBGen. Andre Dizon sa Kampo Crame ngayong umaga.
Ayon kay Dizon, maliban sa mga nasawi ay nasa pito rin ang naitala nilang nasugatan dahil sa bagyo habang may dalawa namang nawawala.
Nagpapatuloy naman ang ginagawang validation ng Office of Civil Defense (OCD) hinggil sa mga naitatalang casualty na may kaugnayan sa pananalasa ng bagyo. | ulat ni Jaymark Dagala
